راكب اللي لمعته مثل القزازه
جيب لكزز من حديثات الطرايز
العديم اللي طرب من كان حازه
في فيافي نجد ولا فالغرايز
صوت بلفه يستبق لصطب غازه
فزه المشحون من دفن الجنايز
هيبته فالسوق من دقه جوازه
العلامه تفرقه والسعر جايز
وجهته للي على العلياء ارتكازه
ناصين قرم على الانعام حايز
فيصل اللي مانصيته لجل عازه
مبطين عن بدع كاسبت الجوايز
القوافي شرد والخاطر محازه
اتنقى الشرد واصيد الغزايز
للكريم اللي على المجد امتيازه
فيصل ال عرفان للمعروف هايز
عيلمن يروي ضمى من كان هازه
ابلجن بمجاد فعل العود فايز
اصوكن عدى على فعل الجنازه
جعل يفدونه مجمعه الكنايز
من رجال العود قحطان العزازه
مجدها في دار اخو نوره ركايز
الشاعر / حاكم بن بدر المطيري
